في تصور بيقول أن أحلى عيد ميلاد ممكن يكون في مركب جوا بحيرة وطيور بتطير فوقنا وبتغني لنا
أو فوق جزيرة بعيدة لوحدنا والعنب طالع ...أو حتى فوق السحاب ونلمس النجوم بإيدينا والقمر بيضحك لنا
لا خالص ....هيكون عيد ميلاد "" في مصر "" وبرضه فيها مشاكل بس مشاكل مفهومة وعادية يعني ممكن نلاقي لها حلول
لقانا هيكون بسيط اتنين بيتمشوا على كورنيش النيل لكن رايقين وبالهم مرتاح
مطمنين على ولادنا لأن مجتمعهم بيضحك لهم وبالتالي مطمنين على مستقبلهم
ضميرنا مرتاح لأننا عارفين نشتغل كويس من غير ما حد يوقفنا وكده هنشتغل أكتر
مبسوطين لأن تعبنا في حياتنا بنشوف نتيجته
هاديين لأن الناس بتحترم بعضها والأخلاق معيارها عالي
آمنين لأن الشرطة والجيش في بلدنا بيحموناوالجرايم بقت أقل
تخيل لو بلدنا البطالة فيها قلت ومفيش فساد ولا محسوبية
تخيل لو هنعيش في مجتمع بيحترم الإنسان ، وبيحترم المرأة ، وبيحترم الطفل وكمان الورد
ياااااااااااااااه
يبقى نفترض إننا سوا مشبكين إيدينا على الكورنيش ،،ولأننا في يناير- ما هو يناير ده شهر اتولدت فيه ثورتنا - هنفترض إن الدنيا بتمطر بس انا هجري وإنت بتضحك ضحطة صافية من قلبك .. وهشبط في آيس كريم ، وهتجيب لي آيس كريم ..الجو برد جدا لكن مشاعرنا مدفيانا
ما انا هفترض إنك بتحبني اوي وحنانك مدفيني
وطبعا هفترض إن هديتي عجباك جدااا وهي رسالة تشهد على حبي ليك ونحطها في إزازة ونعطرها بأملنا في بكرة ونرميها في البحر يشهد علينا
كل سنة وأنت حبيبي
السبت :19 يناير 2013
